Йошкар-Олан командыже «Орлёнкыш» каен

Йошкар-Олан командыже «Орлёнкыш» каен
Рушарнян Йошкар-Оласе 1-ше школышто тунемше- влакын командышт кумшо гана Россий кӱкшытан «Орлёнок» йоча рӱдерыш каен. Тушто нуно Российысе Президент спорт модмаште республикын чапшым аралаш тӱналыт. Нуно баскетбол, куштылго атлетике, ӱстембал теннис, шашке дене модмаште таҥасат. Ешартыш программе семын мини-гандбол, городошный спорт, мини-лапта, иймаш, тег-регби, спорт туризм дене мастарлыкыштым ончыктат. Кодшо ийын Йошкар-Олан командыже шашке дене икымше верым, иймаш дене кокымшым, тег-регби дене кумшым налыныт да команде коклаште 84 кундем гыч 14-ше верыш лектыныт ыле.

Прошлые выпуски