Шернур район ял озанлык дене виян
Федераций Советын аппаратшым вуйлатыше Сергей Мартынов республикысе район- влак дене умбакыже палыме лиеш. Теҥгече тудо сенатор Константин Косачёв да Марий Эл Главан администрацийжым вуйлатыше дене пырля Шернур районышто лийын. Нуно федерал полышым йодшо проблеме- влакым каҥашаш да калык дене вашлияш миеныт. Сергей Мартынов верысе калыкын пашам йӧратымыжым, ял озанлыкыште да переработкышто районын улшо куатшым палемден. Социал да коммунал инфраструктурымат тыгаяк вияным ышташ кӱлеш манын да федерал кӱкшыт гыч полшаш сӧрен. Калыкле проект- влакым шыҥдарымаш тидлан сай полыш лиеш. Тыгак физкультура да тазалыкым пеҥгыдемдыме комплексым чоҥымо, очистной сооружений- влакым пужен ыштыме нергенат мутланеныт. Кызыт нунылан проектно-сметный документацийым ямдылат, вара чоҥымо программыш пуртат. Тыге Шернур калыкым сай вашталтыш- влак вучат.
