«Шочмо мландын куатле вийже» Республике кӱкшытан калык усталык фестиваль умбакыже шуйна
Республикыштына Кугу Ачамланде сарыште сеҥымылан 75 ий темме вашеш да Марий Элын 100 ияш лӱмгечыже лӱмеш «Шочмо мландын куатле вийже» Республике кӱкшытан калык усталык фестиваль эрта. Тудым Йошкар-Ола шке отчёт концертше дене почо. Вара каныш кечылаште шке мастарлыкыштым Оршанке ден Шернур, У Торъял ден Параньга район- влак ончыктышт. А кодшо шумтакечын Юрино ден Валжский районын коллективше- влак шке программыште дене толыныт ыле. Ынде шушаш шуматкечын шке мастарлыкыштым Сеҥымашын 30-шо идалыкше лӱмеш тӱвыра полатыште Килемар ден Звенигово, рушарнян Козьмодемьянск ола ден Морко район ончыктат. Мероприятий 14 шагатлан тӱналеш.
