Чодыра пожарым йӧртымӧ технике ешаралтеш
Марий Эллан чодыра пожарым йӧртышӧ техникым налаш 30 миллион утла теҥге оксам ойырымо. Пӱртӱс поянлык министерствыште ойлымо почеш, «Чодырам аралымаш» регионысо проект 2019-ше ий годсек шыҥдаралтеш. Тудын кышкарыште министерстве чодырам тул деч аралыме специализированный технике ден оборудованийым налеш. Кок ий жапыште республикылан 80 миллион теҥгем ойырымо. Тиде окса дене 35 техникым, 105 оборудованийым да 7 меҥге кужыт рукавам налме. Технике дене пойдарыме пашам теният умбакыже шуйымо лиеш. Тидлан 34 миллионат 100 тӱжем теҥге ойыралтеш. Техникым налмылан кӧра республикысе Авиалесоохранын технический базыже палынак уэмын да пойдаралтын. Тидлан кӧра эртыше ийыште чодыра пожар деч эҥгек шагалемын.
