Марий Элыште Ковид чер ваштареш прививкым ыштыше еҥ- влакын неле осложненийыштым палемдыме огыл

                  Марий Элыште Ковид чер ваштареш прививкым ыштыше еҥ- влакын неле осложненийыштым палемдыме огыл. Коронавирус ваштареш чылаже кок тӱжемат 200 еҥлан прививкым ыштыме. Тидыже толшо вакцинын 97 процентше лиеш. Тушечын 627 еҥже вакцинацийын тичмаш курсшым эртен. Февраль мучаш марте эше 25 тӱжем дозо вакциным кондымо лиеш. Тушечын лу тӱжемже январь мучаш марте, 15 тӱжемже февральыште Тидын нерген Республикым вуйлатыше Александр Евстифеевлан вакцинаций шотышто совещанийыште тазалыкаралтыш министр Марина Панькова увертарен. Тудын мутшо почеш, вакциным кондаш да аралаш мутым «Марий Эл –Фармация» акционер ушем куча. Тудын йӱкшыктарыше оборудованийже уло. Январь мучаш марте эше кум оборудованийым кондышаш улыт. Вакцинацийым ышташ 19 медицина организацийым палемдыме. Тиддеч посна коллективлашке лектын коштшо пункт- влакым ыштат. Министр муниципал органиазцийлаште  прививке кампанийым эртарыме йодышешат шогалын. Кодшо ийын ялла гыч илалше пациент- влакым эмлыме верыш кондаш икмыняр автомобильым налме ыле. Тыгак районлаш лекташ мобильный, ырыктыме ФАП- влак улыт. Чыла вереат вакциным аралыме вер лийшаш,- манын палемдыме. Министр тидымат ешарен:  кугыжаныш полыш портал да «Доктор12.рф» регионысо портал негызеш коронаврус деч вакцийым ыштыкташ возалтме сервис ышташ тӱҥалын. Тыгак 122 номер денат возалташ лиеш. Вакцинацийым 285 тӱжем наре еҥлан ышташ палемдыме. 290 тӱжем наре еҥ диспансер эскерымаште улыт. Тушечын 137 тӱжем утлаже шӱм да вӱргорно черан, 35 тӱжем утлаже эндокрин, кок тӱжем утлаже уто нелыт дене кылдалтше, 14 тӱжем наре еҥже шӱлымӧ органын хронический черже дене орлана. Хронический черан- влаклан вакцинацийыш вияш корно лийшаш, каласен министр. Александр Евстифеевын мутшо вакцинацийым ышташ палемдыме еҥын чотшо – тиде чер шарлымашым чараш эн шагал чот. Варажым прививке кампаний план режим дене шукталташ тӱҥалеш. Тидымат каласен: вакцинаций шке кумыл почеш ышталтшаш. Привикым ышташ кумылан- влак кажне кечын ешаралт шогат.

Прошлые выпуски