Куженерыш картинг мастар- влак погыненыт
Куженерыште картинг дене район кӱкшытан таҥасымаш- влак эртеныт. Ӱчашымашке ола да районла гыч 50 наре спортсмен ушнен. Нуно Мини, Дружба, Пилот, Минск, Минск 18+ да Ветеран 18+ класслаште таҥасеныт. Команде- влак коклаште икымше верым Йошкар-Ола гыч уна- влак сеҥен налыныт, кокымшо верыш Медведевысе йоча усталык пӧртын командыже лектын, Оза- влак, Кужнер посёлкын командыже, пьедесталын кумшо тошкалтышышкыже кӱзеныт. Саламлыше- влак палемденыт: кызыт тӱрлӧ ойыртемалтше спорт ятыр уло. Но картингым ойырен налше- влак спорт дене гына огыл, технике денат кылым кучат.
