Йоча-влак лапта дене модыт
Республикыштына ӱдыр да рвезе- влак коклаште мини-лапта дене регион- влак кокласе кӱкшытан таҥасымаш- влак эртат. Звенигово олаште «Жемчужина» тазалыкым пеҥгыдемдыме комплексыште 30-шо январь марте 11-12 ияш ӱдыр-рвезе- влак таҥасат. Тушко Российын 7 кундемже – Марий Эл, Краснодар край, Удмуртий, Ярослав, Ульяновск, Воронеж, Челябинск областьла гыч рвезе- влакын нылыт, ӱдыр-шамычын вич командышт толыныт.
