Чодыраште тул пижмым камере гоч эскерат

          Республикыштына тӱҥалше чодыра пожарым пален налаш камера- влакым вераҥдаш шонат. Кугыжаныш закупко сайтыште лийшаш электрон аукцион нерген уверым вераҥдыме. Тиде аппаратно-программный комплексым пӱртӱс поянлык министерстве налаш палемден. Тӱҥалтыш акше вич миллион утла теҥге. Тудо чодырам чарныде эскера да тул пижме годымак тудым ужын уверым колта. Комплексыш 14 комплект видеокамера, программный обеспечений да оборудований пура. Нуным 12-шо ноябрь марте вераҥден шуктышаш улыт. Эн кӱкшӧ, мланде ӱмбал деч 65 метр деч улыш огыл верлаште пижыктыман. Тудо 20 меҥге радиусышто эскерен кертшаш. Документацийыште палемдыме почеш Кӱшнурышто, Сурокышто, Оршанкыште да Пектубайыште, Куженер ден Марий Турекыште, Курыкӱмбал ден Шайраште, Таир ден Визымярыште, Кучки ден Копон яллаште вераҥдалтшаш улыт.

Прошлые выпуски