Йошкар-Оласе 4-ше номеран поликлинике пӱтынек кок ийыште олмыкталт шукталтеш

            Йошкар-Оласе 4-ше номеран поликлинике пӱтынек кок ийыште олмыкталт шукталтеш. Кызыт тушто «Тазалыкаралтышын первичный звеножым уэмдымаш» проект кышкарыште зданийым верын- верын капитально олмыктымо. Икымше йыжыҥыште леведышым ачалыме, чыла окнам, подвалыште вӱд узелым вашталтыме, фасадым ыштыме. Тиде пашалан 25 миллион теҥгем кучылтмо. Пашам Юрий Зайцев ончен лектын. Тазалыкаралтыш министр Марина Панькова каласен: поликлиникым кок ийыште пӱтынек олмыктымо лиеш- 23-шо 24-ше ийлаштат паша шуйна. Тидыже калыклан полышым чарныде пуаш манын ышталтеш. Эмлыме верым 1974-ше ийыште чоҥымо, пашаш 80-шо ийла тӱналтышыште колтымо. Туддеч вара тудым капитально олмыктымо огыл. Кызыт тушко 57 тӱжем еҥ коштеш. Кече еда тӱжемат 200 еҥым ончен кертеш. Олмыктымо деч посна тудлан у оборудованийым наледат.
             Фото: Марий Элым вуйлатышын организаций да аналитик виктемже.

Прошлые выпуски