Оренбург олаште «Зарницы Поволжья» военно- спорт юнармий модмашын окружной финалже тӱҥалын
Таче Оренбург ола воктелсе воин частьын аэродромыштыжо «Зарницы Поволжья» 9-ше военно- спорт юнармий модмашын окружной финалже почылтын. Тудым торжественно почмаште полномочный представительын полышкалышыже Владимир Колчин, «Зарницын» оргкомитетшым вуйлатыше Дмитрий Кулагин, Оренбург областьысе Погынымашын депутатше- влак да молат лийыныт. 13-шо гыч 17-ше сентябрь марте эртыше иктешлыше таҥасымашке Юл кундем округысо чыла 14 регион гыч да Марий Эл гычат 190 юнармеец погынен. Нуно шке кундемыштышт сеҥыше улыт. Окружной финалыш тыгак Луганск да Донецк республикыла гыч кок команде ушнен. Военно-спорт модмашын ончыкылык программышкыже 16 тӱрлӧ таҥасымаш пура. Нунын коклаште куржталмаш, гимнастике, гранатым кышкымаш, строевой ямдылалтмаш, чарак- влак гоч эртымаш, автоматым рончен-погымаш, тактике модмаш да молат пурат. Тиддеч посна ятыр оҥай мероприятий эртаралтеш.
Фото: Официальный интернет-портал.
Фото: Официальный интернет-портал.
