Теҥгече республикыштына Марий Элым вуйлатышым сайлымаш эртыш
Теҥгече республикыштына Марий Элым вуйлатышым сайлымаш эртыш. Кундемысе рӱдӧ сайлыме комиссий йӱклымашым иктешлен. Тиде кечын сайлыме участкылашке 31 тичмашат 99 шӱдаш процент калык миен. 82 тичмашат 27 шӱдаш процент йӱк дене ончыко Юрий Зайцев лектын. Тидыже 164 тӱжемат 483 йӱклышӧ еҥ лиеш. Республикым вуйлатыше должностьыш моло кандидат- влак коклаште йӱк тыгай радам дене вераҥдалтын: Антон Мирбадалев 7 тичмашат 92 шӱдаш процент, Наталья Глущенко верч 5 тичмашат 86 шӱдаш процент еҥ йӱклен, Валентина Злобина верч кок тчимашат 29 процент йӱклышӧ еҥ шке кумылжым ончыктен.
Йӱклымӧ кечын Юрий Зайцев Йошкар-Оласе 14-ше номеран сайлыме участкым ончен лектын. Кампаний у йӱла дене тӱналын. Сайлыме участкылам почмеке тушто Россий Федерацийын да Марий Элын гимнышт йоҥген. Регионышто 503 сайлыме участке пашам ыштен. Тушечын 119-же Йошкар-Олаште. Юрий Зайцев икымше номеран территориальный сайлыме комиссийым вуйлатыше Галина Канашина, 14-ше участковый сайлыме комиссийым вуйлатыше Светлана Подоплелова дене мутланен.
Вара Юрий Зайцев Рӱдӧ сайлыме комиссийын пресс-рӱдерышкыже миен. Тушто комиссийын председательже Ирина Татаринова да журналист- влак дене мутланен. Ирина Татаринова палемден: эн чолга сайлыше- влак районлаште илат. Тиде Шернур, Юрино, Килемар район- влак.
Марий Элысе ЦИК-ыште сайлымаш дене кылдалтше 11 вуйшиймашым регистрироватлыме. Кумытшо йӱклымаш деч ончычак пурен. Нуным ончен лекме да иктыжат пеҥгыдемдалтын огыл. Моло кандашыже йӱклымӧ жапыште лийын, но сайлымаш деч ончычсо фактым ончыктат да чылажымат ик кид дене возымо. Кокытшым ончен лекме. Вес кандидатын агитматериалжым шарыме шотышто пеҥгыдемын огыл, весыже- ик территориальный сайлыме комиссийын паша графикым пудыртымо нерген вуйшиймашыже- пеҥгыдемын. Кудытшо тергымаште улеш.
Фото: Марий Элым вуйлатышын организаций да аналитик виктемже.
Йӱклымӧ кечын Юрий Зайцев Йошкар-Оласе 14-ше номеран сайлыме участкым ончен лектын. Кампаний у йӱла дене тӱналын. Сайлыме участкылам почмеке тушто Россий Федерацийын да Марий Элын гимнышт йоҥген. Регионышто 503 сайлыме участке пашам ыштен. Тушечын 119-же Йошкар-Олаште. Юрий Зайцев икымше номеран территориальный сайлыме комиссийым вуйлатыше Галина Канашина, 14-ше участковый сайлыме комиссийым вуйлатыше Светлана Подоплелова дене мутланен.
Вара Юрий Зайцев Рӱдӧ сайлыме комиссийын пресс-рӱдерышкыже миен. Тушто комиссийын председательже Ирина Татаринова да журналист- влак дене мутланен. Ирина Татаринова палемден: эн чолга сайлыше- влак районлаште илат. Тиде Шернур, Юрино, Килемар район- влак.
Марий Элысе ЦИК-ыште сайлымаш дене кылдалтше 11 вуйшиймашым регистрироватлыме. Кумытшо йӱклымаш деч ончычак пурен. Нуным ончен лекме да иктыжат пеҥгыдемдалтын огыл. Моло кандашыже йӱклымӧ жапыште лийын, но сайлымаш деч ончычсо фактым ончыктат да чылажымат ик кид дене возымо. Кокытшым ончен лекме. Вес кандидатын агитматериалжым шарыме шотышто пеҥгыдемын огыл, весыже- ик территориальный сайлыме комиссийын паша графикым пудыртымо нерген вуйшиймашыже- пеҥгыдемын. Кудытшо тергымаште улеш.
Фото: Марий Элым вуйлатышын организаций да аналитик виктемже.
