Шочмо йылмым туныктышо- влакын Россий кӱкшытан конкурсышт почылтын

             Теҥгече Железноводск оласе тӱвыра полатыште «Шочмо йылмым да шочмо сылнымутым эн сайын туныктышо» Россий кӱкшытан профессионал конкурсым почмаш эртен. Ставрополь крайыш 68 регион гыч шочмо йылмым эн сайын туныктышо- влак погыненыт. Российыште икымше гана тыгай кугу таҥасымаш эрта. Тушто элысе 30 йылме дене кутырышо- влак шке калыкыштын тӱвыражым ончыктат. Марий Эл гыч тушто Советский посёлкысо кумшо номеран школышто марий йылме дене литературым туныктышо Роза Богомолова участвоватла. Тудо тений марий йылмым эн сайын туныктышо- влакын республикысе конкурсыштышт сеҥышыш лектын ыле. Тудын медиавизиткыжым ойырен налаш йӱклымашке ушнаш лиеш. Тидлан конкурсын сайтыштыже медивизиткыжым ончен лекташ да 69 участник гыч иктыжлан йӱкым пуыман.
              Фото: Туныктыш да шанче министерстве.

Прошлые выпуски