Школышто тунемше-влакын Юл кундем округысо уш-акыл олимпиадышт тӱҥалын

Школышто тунемше-влакын Юл кундем округысо уш-акыл олимпиадышт тӱҥалын
             Республикыштына школышто тунемше-влакын Юл кундем округысо уш-акыл олимпиадышт тӱҥалын. 18-ше январь гыч 18-ше февраль марте Марий Элыште школышто тунемше- влакын Юл кундем федерал округысо интеллектуал олимпиадын муниципал йыжыҥже эрта.  Ойырен налме таҥасымашым «Мо?Кушто?Кунам?» модмаш почын. Чыла муниципал образованийыште тунемше- влакын командышт эн шуко шинчыше команде лӱм да регионысо йыжыҥыш лекшаш верч кучедалыныт. Организатор- влакын пунчалышт дене 2022-шо ийыште эртарыме ныл направленийыш- «Робототехнике», «Программирований», «Изобретатель задачым решатлымаш», «Мо?Кушто?Кунам?» модыш деке тений эше визымше конкурсым ушымо- «Пилотде чоҥештылше аппаратым виктарымаш». Муниципал йыжыҥыште эн сай лӱмым налше- влакым мартыште олимпиадын регионысо йыжыҥышкыже ӱжыт.
           Фото: Туныктыш министерстве.

Прошлые выпуски