Марий Эл коммунал инфраструктурым модернизироватлаш 600 миллион утла теҥгем налеш.
Марий Эл коммунал инфраструктурым модернизироватлаш 600 миллион утла теҥгем налеш. «Кундемлам вияҥдыме фонд» публично- правовой компанийын оксаже кӱшеш коммунал инфраструктуро системым уэмдаш 615 миллион теҥге лимитым палемдыме. Тушечын 142 миллион теҥгеже тенийлан, 473 миллион теҥгежым вес ийлан палемдыме. Коммунал озанлыкым вияҥдыме, корным, илыме верым чоҥымо йодышым Российысе регионлам вияҥдыме шотышто Правительстве комиссий президиумын заседанийыштыже каҥашыме. Тудым Россий Правительстве председательын алмаштышыже Марат Хуснуллин эртарен. Заседанийыште Марий Элым вуйлатыше Юрий Зайцеват лийын. Оксам ойырымо правил нерген чоҥымаш, илыме вер да коммунал озанлык министр Ирек Файзуллин ойлен. Январьыште Фонд лӱмеш «2023-шо -2027-ше ийлан «Коммунал инфраструктурым уэмдымаш» республикысе программын проектшым умбакыже согласоватлаш колтымо. Тушко коммунал инфраструктурын 8 объектшым пуртымо. Тушечын визытше вӱдым ситарыме объект, кумытшо вӱдым йоктарен колтымо объект улыт. Вӱдзаборым, инженер сетьым, канализаций коллекторлам Козьмодемьянскыште, Юрино, Медведево, Звенигово, Морко, Шернур районлаште уэмдаш палемдыме. Проект почеш 2023- 2024-ше илаште финансированийын кугытшо 746 миллион утла теҥгеш погына. Тушко республикын бюдетше гыч софинансирований лийшаш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
