Йошкар-Олаште илыше- влак администрацийын еҥышт дене Марий университетыште вашлийыныт
Йошкар-Олаште илыше- влак администрацийын еҥышт дене Марий университетыште вашлийыныт. МарГУ-што ректор, Кугыжаныш Погынын депутатше Михаил Швецов, ола администрацийым вуйлатышын икымше алмаштышыже Лев Покровский, администраций вуйлатышын алмаштышыже Сергей Мухортов «Калык управдом» тунемме программын выпускникше да оласе калык дене вашлийыныт. Нуно Йошкар-Олам тӱзландарыме дене кылдалтше йодыш- влакым каҥашеныт. Администрацийын еҥже- влак тенийлан план нерген- корным, кудывечылам олмыктымо, инфраструктурым вияҥдыме нерген ойленыт да тӱрлӧ йодыш дене вуйшиймашым колыштыныт. Михаил Швецов депутат семын ушештарен: университет регионын опорный вузшо улеш, шкенжын социал сервисше- влак дене, мутлан, Юридический клиникыже дене калыклан тӱрлӧ полышым пуаш ямде. Юрист клиникыш кажне еҥ яра юридический консультацийыш толын кертеш. Палемдена: декабрьыште «Калык управдом» программын черетан курсшо мучашлалтын. Тушто 51 еҥ тунемын да сертификатым налын. Шошым тыгай курс уэш почылтеш. Йодышым 40-18-00 телефон дене рашемдаш лиеш.
Фото: МедиаПоток.
Фото: МедиаПоток.
