Савино ялысе сурт-озанлыкыште сурт-кайыкын псевдочума чержым рашемдыме

Савино ялысе сурт-озанлыкыште сурт-кайыкын псевдочума чержым рашемдыме
              Савино ялысе сурт-озанлыкыште сурт-кайыкын псевдочума чержым рашемдыме. Колышо чыве- влакын капыштым  лабораторийште тергымек Республикысе ветеринар лабораторий Ньюкаслын чержым пеҥгыдемден ончыктен. Чыве Йошкар-Ола округыш пурышо Савино ялысе ик сурт-озанлыкыште колен. Законодательство дене келшышын Ньюкасл черын вирусшо ынже шарле манын посна сурт озанлыкыште карантиным увертарыме. Савино ялым чер шотышто начарлан шотлымо, а Данилово, Игнатьево, Семёновка, Якимово ял- влак лӱдыкшӧ кундемыш пуреныт. Кайыкын псевдочума черже неле, вашке шарлыше черлан шотлалтеш. Тудо шӱлымӧ органым, пагар-шоло корным, рӱдӧ нерв системым эмгата да сурт-кайык тӱшкан кола. Тиде чер чыве тӱшкаш пурышо чыла сурт кайыклан пижын кертеш. Айдемылан лӱдыкшӧ огыл гынат, черле кайык дене кылым кучышо- влакын конъюктивт, начарын шижмаш вияҥ кертеш.
            Фото: фотогеника.ру, автор прессмастер.

Прошлые выпуски