«Компьютер грамотностьын негызше» курсым икымше тӱшка пенсонер- влак тунем пытареныт
Марий радиомеханический техникумышто Российысе пенсионер- влакын ушемышт полшымо дене пенсионер- влаклан «Компьютер грамотностьын негызше» программе почеш курсым почмо ыле. Икымше курсыш 20 еҥ погынен. Нуно кӱчык жапыште тӱҥалше гыч компьютер дене ӱшанлын пайдаланен моштышо марте кушкыныт да сертификатым кидышкышт кученыт. Тиде документым Российысе пенсионер- влак ушемын регионысо пӧлкажым вуйлатыше Людмила Ефремова, Россий пенсий фондын Марий Элысе пӧлкажым виктарыше Владимир Орехов кучыктеныт. Выпускник- влак курсым ямдылыше- влаклан тауштен ойленыт. Тунемше- влак кокла гыч эн кугу ийготанжылан 82 ий темын. Тиде пенсионер- влак ушемын пеҥгыдемдыме туныктымо план почеш тунем лекше икымше группо лийын. Ынде у группо- влакым погаш тӱналыт.
