Доброволецын кажне кечын шуктымо пашаже вийым да кумылым пыштен тыршымым йодеш, - каласен Юрий Зайцев
Доброволецын кажне кечын шуктымо пашаже вийым да кумылым пыштен тыршымым йодеш, - каласен Юрий Зайцев. Теҥгече Доброволецын кечыжлан пӧлеклалтше торжественный мероприятий эртен. Республикысе чулым еҥ- влак - поро кумыл толкынын участникше- влак дене Марий Элым вуйлатыше Юрий Зайцев вашлийын. Республикым вуйлатыше волонтёр- влакым илышыште чолга верым налын шогымыштлан тауштен да палемден: нелылыкыш логалше да полышым йодшо еҥ- влаклан полшаш тыршымаш койыш-шоктышын ойыртемалтше улмыжо нерген ойла: порылык, полшаш кумыл да ответственность нерген. Юрий Зайцев палемден: республикыште 86 тӱжем доброволец уло. Нуно илалше- влак верч тургыжланат, медицина пашаеҥ- влаклан полшат, ола кумдыкым тӱзландарат, спорт, экологий, тӱвыра мероприятийлаште участвоватлат, йомшо еҥ- влакым кычалыт да моло пашашкат ушнат. Тыгак мобилизоватлыме еҥ- влаклан, нунын ешыштлан, ушнышо у кундемла гыч толшо- влаклан полшымаште тыршымыштым палемден. Ятыр волонтёрлан Марий Элым вуйлатышын тауштымашан серышыжым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
