Автомобильжым арестоватлымеке, Йошкар-Ола гыч пӧръеҥ порысшым тӱлен
Автомобильжым арестоватлымеке, Йошкар-Ола гыч пӧръеҥ порысшым тӱлен. Суд пристав- влак кугыжаныш автоинспекцийын пашаеҥже- влак дене пырля парымым кӱрын лукмо шотышто рейдым эртареныт. Мероприятий Козьмодемьянск трактын ужашыштыже эртен. Тӱлен шуктыдымо парымым тергаш 48 автомобилистым шогалтыме. Нунын кокла гыч ятырже парыман радамыште лийыныт. Икмынярыже верыштак парымжым тӱлен- оксам 170 тӱжем теҥге марте погымо. Рейд жапыште пристав- влак тыгак парыман- влакын погыштым арестоватленыт. Тыге, банклан 55 тӱжем теҥге парымым чумырышо водительын «Лада Приора» автомобильжым арестоватлыме. Транспорт деч посна кодаш огыл манын, пӧръеҥ ПОС терминал полшымо дене парымжым тӱрыс тӱлен. Суд пристав службо ушештара: тӱлышаш парымым жапыштыже тӱлен шогыман.
