Депутат- влак Кугыжаныш Погынын 29-ше сессийжым эртарыме кечым палемденыт
Депутат- влак Кугыжаныш Погынын 29-ше сессийжым эртарыме кечым палемденыт. Марий Эл Кугыжаныш Погын Президиумжо парламентын 29-ше сессийжым 26-шо июльышто эртараш решенийым луктын. Черетан сессийым чумыраш темлымаш дене Марий Элым вуйлатышын пашажым шуктышо Юрий Зайцев лектын. Сессийыште республикын 2022-шо да ончыкылык 2023-шо 2024-ше ийлан бюджетышкыже вашталтышым пуртымо нерген законын проектшым ончен лекташ палемдыме. Тиде закон проект деч посна повесткыш эше кум йодышым пурташ темлыме. Нуныжо бюджет да налог шотышто, пассажирым шупшыктымо нерген законодательный актым тӧрлымӧ да республикысе самырык- влакын парламентышт нерген положенийыш вашталтышым пуртымо дене кылдалтыныт. Эрла Депутатын кечыже эрта.
