Марий Элыш Федераций Советын еҥже- влакын делегацийышт толын

           Марий Элыш официальный визит дене Россий Федерал Погынымашын Федераций Советшын еҥже- влакын делегацийышт толын. Нунын дене пырля Марий Эл деч сенатор Константин Косачёват уло. Марий Элым вуйлатышын пашажым шуктышо Федераций советын лу комитетше гыч визытшын сенаторжо- влак дене вашлийын. Эн ончыч нуно филармонийыш миеныт, вара 9-ше В микрорайонышто чоҥен шындыме шуко пачеран пӧрт- влакым ончен лектыныт. Чоҥымаш деке тӱткышым таклан огыл ойырымо. 2018-ше ийыште Федераций Советыште Марий Эллан полшымо программым ыштеныт. Кызыт тиде кугу проектым илышыш шыҥдарат. Тушко илыме верым чоҥымашат, Медведевыште сеҥымашын 75-ше идалыкшылан пӧлеклалтше бульварым тӱзландарымашат, «Йошкар-Ола- Козьмодемьянск» корным пужен ыштымашат пура.
             Сенатор Константин Косачёв палемден: Федераций Советыште эртыше республикын кечыже- влак почеш ончыкылан сай паша планым ыштыме. Ынде кум ият пеле пырля пашам ыштымеке, каласеш лиеш- тиде команде дене ыштыме паша. Чыла ужашыштыжат Валентина Матвиенко полшен шоген. Тудын деч посна южо йодышым вер гыч траваташат ок лий ыле. Мыланна федерал кучем- влак, Федераций Советын профилян комитетше- влак полшеныт да Марий Эл Правительстве дене чак пашам ыштыме. – Иктешлен Константин Косачёв.  Тыгак Федераций Советын еҥже- влак Марий Эл Правительствын кумдаҥдыме заседанийыштыже участвоватленыт. Тудын темыже- Марий Элым экономически вияҥдымаште кугыжаныш велым полыш.
             Фото: Марий Элым вуйлатышын организаций да аналитик виктемже.

Прошлые выпуски