«Ӱдырамаш- влак ушем» нужналык дене кучедалме йодышым нӧлталеш
Таче президентын Посланийжым республикыште шыҥдарымылан пӧлеклалтше «Йыргешке ӱстел» йыр мутланымаш лийын. Тудым социал вияҥмаш министерстве «Российысе ӱдырамаш- влакын Ушемыштын» регионысо пӧлкаже дене пырля эртареныт. Мероприятийыште ушемын верласе пӧлкажын чолга еҥже- влак, пашавер департаментын специалистышт да банкын еҥышт лийыныт. Погынышо- влак нужналык ваштареш кучедалме, тидлан социал контракт- влакым ыштен, еш- влаклан финанс полышым пуымо нерген йодыш- влакым онченыт. Социально аралалтдыме еш- влаклан льготан кредитым пуымо, «Демографий» калыкле проектын тӱҥ корныжо- влакым верлаште шыҥдарыме нерген ойленыт.
