Эрла «Ару сер» акций эрта
Марий Элыште поро йӱлаш савырныше «Ару сер» экологий акций эрта. Тушко чыла кумылан- влак эрла 10 шагатлан «Рӱдӧ» да «Кечывалвел» пляж кундемыште ушнен кертыт. Тиде кечынак акций Кокшайск селаште, кугарнян 13 шагатлан Звенигово олан пляжыштыже лиеш. Тушко мияш шогышо-влак пеленышт перчаткым налшаш улыт. Тений Йошкар-Олаште, Звениговышто, Козьмодемьянскыште, Волжскышто оласе пляжым, Юриныште да моло тӱшка верлам шӱкшак деч эрыкташ палемдыме. Икымше тыгай «ужар» проект вич ий ончыч эртен ыле. Тудын тӱҥ сомылжо- серлаште да каныме верлаште арулыкым да яндарлыкым ыштымаш.
