«Единый Российын» верысе пӧлкажым Александр Гречихо вуйлаташ тӱҥалеш

«Единый Российын» верысе пӧлкажым Александр Гречихо вуйлаташ тӱҥалеш
Марий Элым вуйлатыше Александр Евстифеев «Единый Россий» партийын верысе пӧлкажын конференцийыштыже участвоватлен. Погынымаште партийын Юл кундемысе регион- влак кокласе координационный советшым вуйлатыше, Федераций Советын комитетшын председательже Вячеслав Тимченко лийын. Повестке почеш пӧлкан кызытсе пашажым да партийын 19-ше погынжын палемдыме задаче- влакым каҥашыме. Тыгак ик тӱҥ йодыш семын верысе пӧлкан у секретарьжым сайлымаш лийын. Марий Элыште партийын ончылъеҥжылан ятыр ий Кугыжаныш Погын вуйлатышын икымше алмаштышыже Владимир Мухин шотлалтын. Тудо тиде сомылым 2007-ше ий годсек шуктен. Но тудо тиде паша деч утараш йодмашым возен. Александр Евстифеев тудын сайын пашам ыштымыжым палемден да тауштен ойлен. Партийын верысе пӧлкажын у вуйлатышыжым шолып йӱклымаш почеш сайлыме. Ынде тиде пашам республикысе ял озанлык да кочкыш сату шотышто министр Александр Гречихо виктараш тӱналеш.

Прошлые выпуски