Шекланыза: пӧрт леведыш ӱмбач лум да ий камвоч кертеш

Шекланыза: пӧрт леведыш ӱмбач лум да ий камвоч кертеш
Йошкар-Ола округын вучыдымо ситуацийым шижтарыме да пожар лӱдыкшыдымылыкым ыштыме шотышто комиссийже леведыш гыч лум да ий волымо дене эҥгек ынже лий манын, распоряженийым луктын. Документ дене келшышын, организаций вуйлатыше, зданий ден сооруженийын озаже- влак мунчалтен волышо лум да ий калыкым ынже эмгате манын, лӱдыкшӧ вер- влакым рашемдышаш, авырен налшаш, леведышым эрыктышаш улыт. Лумым кышкыме годым лӱдыкшыдымӧ мерым ышташ кӱлеш. Тыгак шке кундемлам лум деч эре эрыктен шогаш да лумым свалкыш шупшыкташ темлыме. Тидымат каласыме: балконысо лумым да ийым пачер оза кораҥдышаш.

Прошлые выпуски