Килемар кундемыште йӱшаш вӱдыштӧ бактерийым мумо

Килемар кундемыште йӱшаш вӱдыштӧ бактерийым мумо
Килемар районысо йӱшаш вӱдышто осал бактерий- влакым палемдыме. Роспотребнадзор виктемын Курык марий районысо пӧлкаже рашемден: Килемар районын «ТеплоВодоканал» МУП-шо ноябрьыште йӱшаш вӱд деке санитар-эпидемиологий йодмашым да озанлык велым вӱдым ситарыме йодмашым кок гана пудыртен. Широкундыш ялыште верланыше колонкысо вӱд микробиологий показатель дене гигиена нормативлан келшен ок тол. Тушто кок тӱрлӧ бактерийым мумо. Калыкын илышыже да тазалыкшылан лӱдыкшым ышташ огыл манын, 5-ше декабрь гыч колонко дене пайдаланаш чарыме. Административный пашан материалжым Медведево районысо судыш колтымо. Суд «ТеплоВодоканал» МУП-ым титаканлан шотлен да колонкым 30 суткалан петырен. Тудын дене 9-ше январь марте пайдаланаш ок лий.

Прошлые выпуски