Российысе кундем- влаклан шушаш ийын корным олмыкташ контрактым февраль марте ыштен шукташ кӱштымӧ
Россий Правительство председательын алмаштышыже Максим Акимов «Лӱдыкшыдымӧ да сай качестван автомобиль корно- влак» калык проектын проект комитетшын заседанийжым эртарен. Заседанийын участникше- влак видеоконференций йӧн дене чыла регионысо проект команде- влак дене корным чоҥымо икымше тургымым мучашлымым да 2020-шо ийлан планым каҥашеныт. Шындыме цельыш шумо, манаш лиеш. 90 процент кӱкшытыш лишемме. Кодшо кок арня наре жапыште 99 процентын шуын кертеш. А качествыже, телым пайдаланыме деч вара, шушаш ийын шошым аклалтеш. Профессионал тергымаш деч посна тергыме кумда мер канал почылтеш. «Кугыжаныш полыш. Корно- влак» мобильный приложенийым ыштен шуктымо. Тыге, ыштыме корнылан калык шке акшым пуэн кертеш. Ятыр регионышто 2020-шо ийыште корным чонымо пашалан ямдылалташ тӱҥалме. Тымарте тӱжемат пеле объект шотышто контрактым ыштыме. Тидыже вес ийын шуктышаш пашан 46 процентше лиеш. Но южо кундемын объект шотышто эшеат рашлыкше уке. Январьыште торгым эртараш да контарктым ыштен пытараш кӱлеш, февральыште иктешлымаш лиеш,- палемдыме погынымаште.
