Шала коштшо пий- влакым вускемдат да чипым пижыктат
Волжский районышто шала коштшо озадыме пий- влакым погаш тӱҥалыныт. Ял озанлык пӧлкан увертарымыж почеш, пий- влакым частный организаций куча да умбакыже ашна. 7-ше-8-ше декабрьыште икымше рейдым эртарыме. Памар ял илем да Приволжский ола илем кундемыште 37 пий ден пырысым кучымо да приёмникыш вераҥдыме. Ял озанлык виктемын уверже почеш, нуным стерилизоватлат, чипым шындат да кушто кученыт тушкак намиен кодат. Закон почеш черлыжым гына «малташ» лиеш.
