Изи судно шотышто кугыжаныш инспекцийын инспекторжо- влак ий ӱмбалне рейдым эртареныт

Изи судно шотышто кугыжаныш инспекцийын инспекторжо- влак ий ӱмбалне рейдым эртареныт
Изи судно шотышто кугыжаныш инспекцийын инспекторжо- влак черетан профилактике рейдым эртареныт. Ий ӱмбалне калыкын лӱдыкшыдымылыкшым ышташ манын, ГИМС-ын инспекторжо- влак утарыше-шамыч дене пырля Изи Какшан эҥер ӱмбаке рейд дене лектыныт. Эн ончыч нуно ийын кӱжгытшым висеныт. Калыкын тӱшкан коштмо верлаште ий 22-25 сантиметр марте кылмен, но чыла вере огыл. Сандене лӱдыкшӧ вер- влакымат палемденыт. Тиде- Пӱнчерыште плотина воктене, Ширяйковысо понтон кӱвар воктене, «Перекрёсток» кевыт тураште, автомобиль да йолын коштмо кӱвар- влак воктене сайын кылмен огыл. Сандене тушко лекман огыл да эше транспорт дене пураш йоршын чарыме. Рейд жапыште тыгак еҥ- влаклан ийыште шкем кузе кучымо нерген шарныктышым кучыктеныт да умылтарыме пашам эртареныт.

Прошлые выпуски