Автобус дене ДТП 126 процентлан ешаралтын
Тенийсе 11 тылзе жапыште республике мучко автобус- влак дене 278 ДТП лийын. Тидын нерген УГИБДД-н пӧлкаже увертара. Эн шуко корно туткаржым Йошкар-Олаште палемдыме- 212. Нунын кокла гыч ятырже шогышо транспортыш миен тӱкнымаш, йолешке-влакым тӱкымаш, вес машина дене тӱкнымаш да пассажир- влакын камвочмышт дене кылдалтын. Автобус дене ДТП 126 процентлан ешаралтын. Тыгай азапыште кок еҥ ӱмыр лугыч лийын да 92 еҥ эмганен. Автобусым виктарышын титакшылан кӧра 31 ДТП лийын. Тушто 40 утла еҥ эмганен. Происшествийын амалжылан дистанцийым эскерыдымаш, скоростьым шотыш налдымаш, йолешке вончемым эртыме правилым пудыртымаш, эртен кудалме черетым эскерыдымаш шотлалтыт. ДТП утларакше 9 гыч 10 да 11 гыч 14 шагат марте лиеда.
