Эрла Сыктывкарым марий шӱлыш авалта

Эрла Сыктывкарым марий шӱлыш авалта
Шуматкечын Сыктывкар олаште Марий тӱвыра кече эрта. Тудо «Коми республикысе калык- влакын келшымаш пӧртышт» ден «Марий тӱвыра рӱдер» коклаште вашкыл шотышто соглашений негызеш эртаралтеш. Таче тушко Марий Эл гыч кугу делегаций каен. Кечын программыштыже йыргешке ӱстел йыр мутланымаш- влак лийыт. Тушто коми ден марий йылмым электрон йӧн дене шарен колтымо, руш йылме гыч калык йылмылашке да мӧҥгешла официальный кусарымаш нерген ойлаш, опыт дене ваш палдараш тӱҥалыт. Писатель ден поэт- влак вашлиймашым эртарат, лекций- влак лийыт. Российын сулло сӱретчыже Иван Ямбердовын ончерже почылтеш, фото выставке, кид-пашам ужалкалымаш, тӱрлымӧ, курчакым ыштыме, марий кочкыш дене мастер-класс, книга ончер, марий концерт лийыт. Этнодискотеке, модмаш- влак эртат. Пайремыш Инта ола гыч «Ший памаш» марий калыкле- тӱвыра ушемым ӱжмӧ.

Прошлые выпуски