Марий Элым вуйлтыше Татарстан Республикын Раисше дене вашлийын
Марий Элым вуйлтыше Татарстан Республикын Раисше дене вашлийын. Юрий Зайцев дене Рустам Миннеханов теҥгече Озаҥыште вашлийыныт. Нуно регион- влак кокласе кылым вияҥдыме йодышым каҥашеныт. Марий Эл ден Татарстан правительстве- влак коклаште торгово-экономик, шанче- техник, тӱвыра да моло сферыште вашкыл нерген Соглашенийым пеҥгыдемдаш кутырен келшыме. Таче кечылан Марий Элын организацийже- влак Татарстаныш пырчан да отызан культурым, кайык шылым, колбаса сатум, шыл полуфабрикат ден консервым, шӧрым, шӧрсатум, ӱмбалым, торыкым, ушкал ӱйым, ӱй пастым, пелтыме шӧрым, сырым колтат. Марий Эл гыч перерабатыватлыше предприятий- влак шке кевытлаштым чолган вияҥдат. Йошкар-Ола шылкомбинатын 100 кевытше, Шернур сырзаводын - 18, «Звениговский» шылкомбинатын 163 кевытше пашам ыштат. Марий Элын представительже- влак идалык еда «Россий- Ислам тӱня: КазанФорум» Тӱнямбал экономик форумышто участвоватлат. Промышленный предприятий- влак Татарстанысе икмыняр предприятийын машиностроений да металлообработка аланыште партнёрышт улыт. Тыгак пошкудо республикыш ужалкалыме йӱкшемдыше оборудованийым, кӱртньӧ омсам, сура ден фурнитурым, электроустановочный иделийым да молымат колтат. Тыгак туныктымо, туризм, изи бизнесым вияҥдыме да моло корнышто кок могыран вашкыллан ончыкылык уло.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
