Садикыш коштшо кум тӱжем йоча марий йылмым тунемеш

Садикыш коштшо кум тӱжем йоча марий йылмым тунемеш
             Республикыштына школ ийготыш шудымо кум тӱжем йоча марий йылмым тунемеш. Йоча садлаште 389 воспитатель йылмым тунемме занятийлам вӱдат. Тидын нерген республикысе туныктыш министр Лариса Ревуцкая  кугыжаныш йылме- влак шотышто правительстве комиссийын заседанийыштыже увертарен. Министр палемден: регионышто туныктымо тӱрлӧ системым вияҥдыме: ик йоча садыште марий йылме ден тӱвырам чыла тунемме аланыш ушымо, весыште кружок пашам виктарат. 19 йоча садыште туныктымо процесс тӱрысынек марий йылме дене вӱдалтеш. 2025-ше ийыште йоча садлашке кок у программым колтымо- марий кугыжаныш  йылмым да шочмо марий йылмым туныктымо шотышто. Кок программыжымат республикын да этнотӱвыра ойыртемым шотыш налын ямдылыме. Ревуцкая иктешлен: мемнан задачына- шочмо йылме илыже да вияҥже манын тыршымаш. Тидлан ме эн сай туныктымо кумдыкым ышташ чыла вийым пыштен тыршена.
           Фото: Павел Стариков /Кидшер.

Прошлые выпуски