Спорт объект- влакым чоҥаш- 20 миллион теҥге
Марий Эллан спорт объект- влакым чоҥаш 20 миллион теҥгем пуат. Спорт оралте- влакым чоҥаш ешартыш оксам 78 регион налеш. Нунын радамышке Марий Элат пурен. Тений чылаже тиде сомыллан элна мучко кок миллиард теҥгем колтымо лиеш. Тидын шотышто распоряженийым Правительствым вуйлатыше Михаил Мишустин пеҥгыдемден. Ола ден яллаште федерал субсидийым ойырымылан кӧра леведышдыме 100 физкультура да тазалыкым пеҥгыдемдыме комплексым ышташ палемдыме. Президент Владимир Путинын палемдыме калыкле цель почеш 2030-шо ий марте спорт дене кылым кучышо еҥ- влакын чотышт 70 процентыш шушаш. Михаил Мишустин палемден: тиде цельыш шуаш, лишыл верыште спорт инфраструктурым ышташ кӱлеш.
