Физкультурникын кечыжым Республикысе курчак театрыште торжественный мероприятий дене палемдыме
Физкультурникын кечынже Республикысе курчак театрыште торжественный мероприятий лийын. Спортсмен, тренер, спортым йоратыше да тудын ветеранже- влакым Марий Элым вуйлатышын пашажым шуктышо Юрий Зайцев саламлен. Тудо палемден: Россий Президент спортлан кугу тӱткышым ойыра. Тыге «Спорт- илышын нормыжо» проект шочын. Тудлан кӧра спорт инфраструктура вияҥеш. Кызыт кеч изи спорт площадкыдыме ик илемат уке манаш лиеш. Ме умбакыжат спорт пашам вияҥдаш тӱҥалына. Юрий Зайцев тыгак чылалан пашаштлан тауштен да почётан награде- влакым кучыктен. Республикым вуйлатышын тауштымашым Медведевысе спорт школын тренерже Андрей Аммосовлан, олимпий резерв спорт школын спорт гимнастике дене инструктор- методистше Галина Ивановалан, тренер- влак Валерий Миков ден Екатерина Толстухиналан увертарыме, тайский бокс дене спортсменке Татьяна Петровалан «Российын тӱнямбал классан спорт мастерже» спорт званийым пуымо.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
