Россий кӱкшытан «Кугезе мланде» фольклор да этнографий фестиваль кум тӱжемат пеле участникым чумырен
Россий кӱкшытан «Кугезе мланде» фольклор да этнографий фестиваль кум тӱжемат пеле участникым чумырен. Тудо Килемар районысо акрет годсо Арде городище кундемыште эртен. Тушко Марий Эл, Татарстан, Чуваший, Угарман, Киров да Ямало-Ненец автоном округ ден моло кундемла гыч кум тӱжемат 500 уна толын. Погынышо- влакым Республикым вуйлатышын пашажым шуктышо Юрий Зайцевын лӱмжӧ дене правительстве председательын икымше алмаштышыже Михаил Васютин саламлен. Кучмыж эҥер воктене кид-паша сымыктыш ярминга почылтын, спорт, куштымо, модмо площадке- влак пашам ыштеныт. Кумылан- влак куэм станокышто, кӱнчыла вондо да шун гыч атышӧрым ыштыме станыште моштымашыштым ончыктен кертыныт. Туштак пошкудо ялыште Эрик Сапаев лӱмеш опера да балет театр «Акпатыр» оперым ончыктен. Фестиваль 2008-ше ий годсек эртаралтеш. Шушаш ийын тудо 15-ше гана чумырга.
Фото: Тӱвыра министерстве.
Фото: Тӱвыра министерстве.
