Ик арняште 8 велосипедым шолыштыныт
Ик арняште республикыштына 8 велосипедым шолыштыныт. Йолорвам шолыштмаш чӱчкыдемын. Кодшо арнян гына 8 еҥ шолыштмо нерген увертарен. Тӱҥ шотышто подъездла гыч наҥгаят, суралыме суражат ок полшо. Ик тыгай осал паша Йошкар-Оласе Воскресенский паркыште лийын. 29 ияш пӧъеҥ йолын коштын савырнаш шонен, кок ораван транспортшым парковкышто тросан сура дене пижыктен коден. Икмыняр жап гыч пӧртылмеке, кӱртно имньжым муын огыл. Сурам пӱчкын налме, 31 тӱжем теҥгеаш пого йомын. Полиций пашаеҥ- влак велосипедым тошкалтыш площадкыште, подъездысе озанлык пӧлемлаште кодаш огыт кӱштӧ, лучо мӧҥгӧ пурташ кӱлеш маныт. Канен коштмо жапыште кодеда гын, видеокамера ужмо верыште кодаш тыршыза.
