«Парус- влакын парадышт» фрегат- шоу лиеш

            Республикыштына «Парус- влакын парадышт» фрегат- шоу лиеш. Кӧн сап-карнавалышке ушнаш, парашют дене тӧршташ да показательный выступленийым ончаш кумылжо уло гын, тидым «Бендериадыште» ыштен кертеш. Вашке, 30-шо июльышто, Козьмодемьянск олаште черетан Бендерида пайрем лиеш. Сандене организатор- влак изин-изин тудын программыже дене палдарат. Мутлан, 13 шагатат 30 минутлан причал воктене вӱдысӧ фрегат-шоу тӱналеш. Тудо вӱдыштат, южыштат эрта. Вӱд умбалне шке мастарлыкыштым «Паллада» парус клубын юнгыжо- влак ончыктат, а Йошкар-Оласе «Сап-Йола» клубын участникше- влак чынжымак парад-карнавалыш ӱжыт. Каваштат мероприятий эрта. Йошкар-Ола гыч ДОСААФ аэроклубын еҥже- влак нӧлталалтыт.  Йошкар-Оласе уна- влакын показательный выступленийышкышт кажне кумылан еҥ ушнен кертеш. Сап-карнаваллан шке костюм гына кӱлеш. Тудо уке гын, клубым вуйлатыше-влак деч йодаш лиеш. Тиде кечын парашют денат тӧршташ йӧн ышталтеш. Аэроклубын еҥже- влак деке 25-ше июль марте йодмашым пуыман.

Прошлые выпуски