Марий университетын командыже Ончыл инженер школын проектшым арален

          Инженер- влак- республикылан: Марий университетын командыже Ончыл инженер школын проектшым арален. Марий университетын командыже- тудын радамышке «Алмаз-Антей» концернын еҥже- влакат пуреныт- Москошто передовой инженер школын проектшым арален. МарГУ ятыр ий радиолокаций аланыште российысе туныктышо организаций да вӱдышӧ шанче рӱдер- влак дене чолган кылым куча, кугыжаныш оборона заказым шуктымаште тырша. Марий университет негызеш радиоэлектрон технологий да программирований передовой инженер школым  тӱҥ партнёр «Академик Минц лӱмеш радиотехник институт» дене пырля ышташ палемдыме. Вуз ончылно кугу задаче шындалтеш: кӱкшӧ квалификациян шуко инженерым ямдылаш, ракет дене керылт пурымым ончылгоч шижтарыме шанче да техник оборудованийым, сандалыкым эскераш, тора радиолокацийым, тора гыч мланде кӧргым шымлыме оборудованийым ышташ задаче шындалтеш. МарГУ негызеш ыштыме инженер школ республикыштына радиоэлектронике кластерым вияҥдаш йӧным ышта. Тудыжо  микроэлектронике рынкым йот эл деч шогыдымо лийже манын ышталтеш.
          МарГУ-н фотожо. МариМедиа.

Прошлые выпуски