Таче Волжск олам ыштымылан 82 ий темеш
Таче республикысе кокымшо кугу ола шкенжын шочмо кечыжым, Волжскым негызлымылан 82 ий теммым палемда. Оласе калыкым республикым вуйлатышын сомылжым шуктышо Юрий Зайцев тиде куанле кече дене саламла. Волжск олан историйже кужу да чапле. Тудо совет жапыште изирак посёлко гыч кушкын. А таче кугыт шот дене кокымшо ола, шке промышленный негызан да эҥертышан. Волжскышто социал кӱлешан объект- влак чоҥалтыт, корно олмыкталтеш, парк-влак пужен ышталтыт, тӱшка кумдык- влак тӱзландаралтыт. Олан сеҥымашыжым тушто илыше калык ышта. нуно шке шочмо верыштым йӧратат да тудым кумылым савырышым ыштынешт. Мутат уке, виктарен колтыдымо йодыш-влакат улыт. Правительстве, мэрий да калыкын пырля тыршымышт дене олам вияҥдаш да пеледшым ышташ тӱҥалына, - каласен Юрий Зайцев.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
