Интеллектуал Олимпиадыште сеҥыше- влакым рашемдыме

                        Юл кундем округышто тунемше- влак коклаште Интеллектуал Олимпиадын регионысо йыжыҥыштыже сеҥыше- влакым рашемдыме. Олимпиаде кодшо каныш кечылаште мучашлалтын. Республикыште таҥасымаш ныл корно дене эртен: «Изобретатель задаче- влакым ыштымаш», «Программирований», «Робототехнике» да «Мо?Кушто?Кунам? интеллектуал модмаш». Робототехнике да Программирований дене 9 команде таҥасен. Икымшыштыже сеҥышыш «Инфотех» лицейын командыже-Надежда Герц ден Роман Хуснуллин лектын, кокымшыштыжо туштак тунемше Денис Егошин ончылно лийын. А «Изобретатель задачым ыштымаште» кандаш команде лийын. Нунын кокла гыч шуко профилян лицей интернат гыч Наиля Хафизова ден Александр Михадаров эн чын да писын шотленыт. «Мо?Кушто?Кунам?» модмашыште 19 команде гыч ончыко 11-ше лицейын «ИнИгМА» командыже ончыко лектын. Ынде сеҥыше- влак кокла гыч чумырымо Республикын командыже округысо йыжыҥыште Пермь олаште 5-7-ше майыште шинчымашыжым ончыкта.

Прошлые выпуски