Республикысе ял озанлык министерствым Андрей Кондратенко вуйлаташ тӱҥалын
Республикысе ял озанлык министерствым Андрей Кондратенко вуйлаташ тӱҥалын. Республикым вуйлатышын 15-ше мартысе Указше дене тачысе кече гыч Андрей Кондратенко Марий Элысе ял озанлык да кочкыш сату министр пашам шукташ тӱҥалын. Андрей Владимирович кодшо ийын икымше октябрь гыч жаплан министрын сомылжым шуктышо лийын. Тиде должностьышто тудо правительство председательын икымше алмаштышыжлан пеҥгыдемдыме Александр Гречихом вашталтен. Андрей Кондратенко 1966-шо ийыште шочын. Марий университетым «Агрономий» специальность дене тунем пытарен, ял озанлык науко кандидат. 2016-шо ий гыч республикысе ял озанлык министрын алмаштышыже лийын.
