«Навыки мудрых» таҥасымаште сеҥыше да призёр- влакым саламленыт

                   Республикыштына «Навыки мудрых» таҥасымаште сеҥыше да призёр- влакым саламленыт. Йошкар-Оласе строительный техникумын, сервис технологий техникумын да Оршанкысе шуко профилян колледжын таҥасыме площадкыштышт профессионал мастарлыкым ончыктымо конкурсышто сеҥыше да призёр- влакым саламлыме церемоний эртен. Туныктыш министерствын увертарымыж почеш, чыла участникшат кугу стажан да поян опытан профессионал улыт. Таҥасымашке 15 еҥ ушнен. Нунын пашаштым 16 эксперт аклен. Таҥасыше- влак «Кермычым оптымаш», «Модын технологийже» да «Школ деч ончыч шуарыме паша» компетенцийлаште моштымашыштым ончыктеныт. Кермыч оптымаште икымше верым «Озаҥысе Посад» организацийын каменщикше Юрий Иванов налын. «Модын технологийже» дене ончыко «Премьер Пластын» мастерже Людмила Крылова лектын. «Школ деч ончыч шуарыме пашаште» Йошкар-Оласе 61-ше номеран «Теремок» йоча садын воспитательже Татьяна Кутюкова ойыртемалтын.

Прошлые выпуски