Социал тӧнеж- влак изоляций режим гыч лектыт
Социал тӧнеж- влак изоляций режим гыч лектыт. Марий Элыште пытартыш вич социал тӧнеж изоляций деч вара тыглай паша режимыш пӧртылеш. Тидын нерген Марий Элым вуйлатыше Александр Евстифеевын эртарыме оперативный штабын заседанийыштыже социал вияҥмаш министр Марина Островская увертарен. Тудо рашемден: 15-ше мартыште республикысе социал аралтыш системын коронавируслан кӧра посна условийыште пашам ышташ тӱҥалмыжлан лач 11 тылзе темын. Тунам Марий Элысе социал тӧнеж- влак элыштына эн ончыч петырыме режимыш куснаш тӱҥалыныт. Социал аралтыш системыште тыршыше- влак шке ончымо еҥышт дене пырля шке кумылын самоизоляцийыш каеныт. Изоляцийыште 12 тӧнеж лийын. Сотрудник- влак 14 кечаш смене дене пашам ыштеныт. Тиде жапыште самоизоляцийыште 930 сотрудник ден тушто илыше кок тӱжемат 635 еҥ лийын. Тыгай йӧн дене пашам ыштыше- влак федерал бюджет гыч кумылаҥдыше оксам налыныт. Нунын йочаштлан «Журавушка» рӱдерыште каналташ да тазалыкым пеҥгыдемдаш йӧным ыштыме. Тыгай йӧным кучылтмылан кӧра, социал тӧнежлаште корновируслан шарлаш эрыкым пуымо огыл. Сандене нуным самоизоляций режим гыч лукташ лиеш, но профилактике мер- влак аралалт кодыт, вакцинацийым эртарыме графикым ыштыме.
