Сайлымашыш республикысе 35 процент утла калык ушнен

Сайлымашыш республикысе 35 процент утла калык ушнен
Теҥгече уло элна Сайлымаш кечыш ушныш. Республикысе рӱдӧ сайлыме комиссийын увертарымыж почеш Марий Эл Кугыжаныш Погыныш сайлымашке 35 процент утла калык толын але 188 тӱжемат 918 еҥ. Сайлыме законодательствым пудыртымо шотышто 21 серыш пурен. Тушечын 17 обращенийже ончымаште улеш. Тушечын кокытшо эскерышын праважым пудыртымо, 2-шо сайлыме участкын пашаже, икте- сайлышын спискыж дене пашам ыштыме, икте- залыште огыл йӱклымо, икте- эскерыше- влакын уке улмышт шотышто лийыныт.  Шукырак калык шке йӱкшым «Единый Россий» партийлан пуэн- 37, 49 процент, КПРФ- 26, 92%, ЛДПР 15,78; «Справедливый Россий» 7,78; «Пенсионер- влакын партийышт» 4,93; «Российын коммунистше- влак» 4,04  процент йӱкым погеныт. Тыге кок партийже вич процент барьерым эртен кертын огыл. А ик мандатан 39 округышто сеҥыше- влакын чотышт тыге верланен. «Единый Россий» партий гыч 27 еҥ, КПРФ гыч 5 еҥ, «Справедливый Россий» гыч кокыт, ЛДПР гыч икте да шкеныштым шке темлыше- влак ныл еҥ улыт- чылаже 39 еҥ.

Прошлые выпуски