Шушаш ий гыч йочалан тӱлымӧ пособий кугемшаш
Шушаш ийын январь гыч йочалан пособий 7 процентлан кугемшаш. Икымше йочам ыштымылан але ашнаш налмылан федерал бюджет гыч кум пачаш шукырак оксам ойыраш палемдыме. Тыге икымше йочалан тылзе еда тӱлымӧ окса кокла шот дене 12 тӱжем теҥгеш шушаш. Тудо йочалан илен лекташ ситыше эн изи пашадар дене тӧр лиеш. Шушаш ийын пособийын тичмаш кугытшо 150 миллиард теҥгеш шуэш. Тиде- кум пачаш шукырак. Тений тудо 50 миллиард лийын. Кок ий гыч 164 миллиардыш шушаш. Эн кугу пособийым Сахалин областьыште налыт- 29 тӱжем теҥгем, Чукоткышто- 23 тӱжем утла, Камчаткыште -21 тӱжем теҥге утла. Пособийым налше эн шуко еш Краснодар крайыште, Башкирийыште да Москошто илат.
