«Калык контроль» Йошкар-Оласе 9-ше В микрорайонышто чоҥалтше йоча садым терген лектын
«Калык контроль» мероприятий кышкарыште Йошкар-Оласе 9-ше В микрорайонышто чоҥалтше йоча садым терген лекме. Кугыжаныш Погынын да ола погынымашын депутатше- влак Григорий Пейсахович ден Наталья Егорова чоҥымо верыште заказчикын да генеральный подрядчикын еҥышт дене вашлийыныт. Йоча садым тений нылымше кварталыште ыштен шуктышаш улыт. Тудо лишнырак верланыше йоча садлаште икшыве- влакым шагалемдаш полша да 320 йочалан верым ышта. Мутланымаште чоҥашлан оксам ойырымо, пашам шуктымо жапым эскерыме, моло лектын шогышо йодыш- влакым каҥашеныт. Тӱрлӧ ведомство коклаште ваш мутланен келшыдымылан кӧра, шке жапыштыже оксам ойыраш чарак вашлиялтмым рашемдыме. Тергыше- влак тидым контрольыш налаш сӧреныт. Тыгак чоҥымо годым санитар нормым, благоустройство правилым, арулыкым эскерыме, шӱк-куштырам жапыштыже лукмо йодыш- влакым шуктен шогаш ушештарыме. «Демографий» калыкле проект кышкарыште кодшо ийын «Восточный» микрорайонышто йоча садым ыштен шуктымо ыле, тений- «Интегралыште», кызыт кок йоча сад чоҥалтеш- «Молодёжный» да 9-ше В микрорайонышто.
