Йошкар-Олаште Новруз-Байрам ден Азербайджан тӱвыра кече эрта
21-ше мартыште Йошкар-Оласе Ленин лӱмеш тӱвыра полатыште шошо толмылан пӧлеклалтше Новруз Байрам ден Марий Элыште азербайджан тӱвыра кечым пайремлымылан пӧлеклалтше пайрем концерт лиеш. Сценыште Азербайджан гыч артист- шамыч да Марий Эл гыч коллектив- влак, республикысе азербайджан самырык- влак усталыкышытым ончыктат. Фойеште «Азербайджан- тул эл» ончер пашам ышташ тӱҥалеш, калык сийым тамлен ончаш лиеш. Пайрем 16 шагатлан тӱҥалеш. Новрузым ЮНЕСКО-н тӱвыра поянлык спискышкыже пуртымо да 21-ше мартым Новрузын тӱҥямбал кечыже семын увертарыме. Тудо пӱртӱс ылыжме да у ий толмо кечым ончыкта.
