Тунемше- влак олам тӱзландарыме йодышым каҥашеныт
Йошкар-Оласе 27-ше номеран кыдалаш школышто шочмо олам тӱзландарыме йодышлан пӧлеклалтше урокым эртарыме. Тушко ола администрацийын контрль пӧлкажым вуйлатыше Ирина Зверева, ола погынымашын вич созывшын депутатше, Российын сулло туныктышыжо, школын директоржо Ольга Скребкова миеныт. Урок олам тӱзатыме правиллан, правовой умылымашым нӧлтымылан, тӱзландарыме правилым шуктымо да тудым пудыртымылан мут кучымо йодышлан пӧлеклалтын. Урокышто 10-шо А классыште тунемше- влак 9-ше микрорайоным тӱзландарыме йодышым нӧлталыныт, спорт сооружений- влакым чоҥаш темленыт. Тыгак пӧрт пырдыжлаште, подъезд лен лифтлаште кӱлеш-оккӱлым возгалыме, уремыште шӱкшакым кышкыме, тӱшка транспортышто погым пужымо нерген ойленыт. Тиддеч посна вандализм, тӱшка порядкым пудыртымаш, еҥ погым лунчыртымашлан мутым кучымо йодышымат нӧлталме. Тунемше- влаклан тыгай теме оҥай лийын.
