Йошкар-Ола администраций шошо вӱдшор нерген ушештара

Йошкар-Ола администраций шошо вӱдшорым эҥгек деч посна эртарен колташ манын, гидротехничсекий сооружений дене пайдаланыше оза- влаклан ушештара: закон дене келшышын, сооружений- влак вӱдым колташ ямде лийшаш улыт. Тыгак вучыдымо ситуаций годым калыкым да кундемлам аралымашым саемдыме шотышто методик темлымаш- влакым колта. Увер материал- влак дене ола администрацийын официальный сайтыштыже палыме лияш лиеш.
            Марий Элысе эҥер- влак тений мартын кумшо декадыштыже почылтшаш улыт. Кызыт эҥер да моло вӱд- влак теле режим гыч лекташ тӱҥалыныт. Эркын-эркын эҥер ден ерлаште ий шӱштыргаш тӱҥалеш, лум вичкыжемеш, вӱд погына. Моло ийла дене таҥастарымаште ий ик декадылан ондакырак почылтшаш. Вӱд молгунамсе нарак але изиш шагалрак лийшаш. Тудо утларакшым Куяр, Кокшайск, Нолька посёлкылаште, Три Рутки ялыште, оласе Ширяйково микрорайонышто ла Луговой уремыште шарла. Таче вучыдымо ситуацийым шижтарыме да кораҥдыме, пожар лӱдыкшыдылыкым ыштыме шотышто правительство комиссийын черетдыме заседанийже эртен.

Прошлые выпуски